Raonic leh Bencic inhnukdawk

French Open khel tur aṭangin mipa singles player Milos Raonic leh hmeichhe huanga champion tura rinkai zinga mi Belinda Bencic te an inhnukdawk a, September 28 aṭanga khelh tur clay court inelna lianah an hmel kan hmu lo ang.

World number 20 Raonic hian a tirah chuan French Open hi khelh a tum, kar hmasa khan Italian Open pawh khelin second round-ah a tla. Clay court-ah beisei angin a khel chhuak lo a, hri lengin inelna a la nghawng avangin inlan loh a thlang ta zawk a ni.

Rome khawpuia inelna neihah khan hmeichhe world number 10 Bencic pawh a inlan, a match hmasa berah set la loin vuak tlak a ni thung. Swiss star hian season dang ang bawkin Paris khawpuiah beisei a nei sang lo tih a lang.

Hmeichhe singles lamah hian ranking sang zual 10 zinga pali chu an inlan dawn lo tihna a ni a; Bencic hma hian Ashleigh Barty, Naomi Osaka leh Bianca Andreescu te chu an lo inhnukdawk tawh bawk a ni.