India-in Australia an hneh

ODI match thum khelhah Australia-in match hmasa berah India wicket 10 tehmeuhin sawp mah se Virat Kohli hote an tho chhuak a, 2-1 in series an la.  Zirtawpni zan khan India-in run 36-in hnehna an chang a, Pathianni zan khan wicket sarihin Men in Blue an chak.

ODI match hnihna hi Rajkot-ah khelh a ni a, Australia hian vawm hmasak bawk an thlang. India batsman-ten an theihna tak an pholang a, Shikhar Dhawan (96), KL Rahul ( 80) leh Virat Kohli (78) te chu a che ṭha zual niin over 50-ah run 340/6 an siam.

Australia tan David Warner (15)  leh Aaron Finch (33) te an ropui nawn lo a, over 49.1-ah run 304 siamin an thi vek. Steve Smith (98) leh Marnus Labuschagne (46) te chetṭhatna chu mualpho tur hliahkhuhna chauh a ni.Pathianni khan M Chinnaswamy Stadium, Bengaluru-ah Test match tawpna ber hi khelh a ni a, ṭhumvawrah Australia vannei lehin bat hmasak an thlang tawh. Steve Smith (136) leh Marnus Labuschagne (54) te an che ṭha nawn a,

over 50-ah run 286/9 an siam. India bowler Mohammed Shami-a'n run 63 pe mah se wicket li a lak avangin a thawh hlawk hle. India tan 287 hi target hautak ni pha mah se opener Rohit Sharma chuan run 119 siamin Virat Kohli (89) leh Shreyas Iyer (44*) ten an thlawp ṭhat bawk avangin over 47.3-ah run 289 siamin hnehna an chang.