Mizoram Athletics Meet : Mipa leh Hmeichhia 100m-ah record thar a awm nghal

Mizoram Athletic Association buatsaih Mizoram Open Athletics Meet vawi 31-na chu nimin khan RG Stadium, Mualpuiah ṭan a ni a, infiammi 118 an tel. Mipa 100m-ah Letjakai Lenthang-a'n 10.88 secs-ah a thleng a, kum 2005-a Lalngaihawma record 11.24 secs chu a khum.

Hmeichhia 100m-ah Elisian Medai-i'n 13.67 secs-ah a tlan thleng a, kum 2014-a Lalbiakhlui record 13.87 secs chu a khum ve bawk. 1500m hmeichhe inelnaah Ramdinmawii Chhangte leh H. Ngohlaso te chu 5.35.77 Min-ah an thleng rual a; March 2015-a Lalnuntluangi record 5.39.15 min chu an khum ve bawk.

Inelna hi vawiinah chhunzawm a ni ang a, September 26, Ningani hian RG Stadium-ah kharna hun hman a ni ang.