I League U19 Tlai dar 5:15-ah Chanmari U19 Vs Mohun Bagan U19

DSK Football Field, Pune-ah vawiin tlai dar 5:15 hian Rest of India Zone A champion Chanmari FC U19 leh Group A (Kolkata) pahnihna Mohun Bagan U19 te I League Under 19-ah an inkhel dawn.

Kolkata club hi India football-a sulhnu nei ṭha Brazilian midfielder Douglas da Silva enkawl a ni. Zan dar 8:15-ah Hindustan FC leh United Sports Club-te an inkhel bawk ang.

Chanmari FC U19 player-te an dam kim a, amaherawhchu final round an thlen theih nana player pawimawh K. Lalchhanhima chu qualifier-a yellow card a hmuh avangin match hmasa ber a khel thei dawn lo.

Chanmari FC U19 head coach Samuel Lalrinzuala Sailo chuan, "Pune kan thleng a, player-te'n facilities ṭha tak an hmu a. Tuna kan inkhel tur hi an career atan a pawimawh tih hriain an phur zual hle. Boruak lum deuh mah se kan thlen thlak hma avangin harsatna kan neih ka ring lo a, inpuahchahna ṭha tak kan nei a, result ṭha tak kan neih ngei ka beisei," a ti.

Chanmari FC U19 Squad

# Player Khua
1 R. Lalrinsanga Lunglei
2 Lalhmunmawia Hualngohmun
3 Jesse Laldinpuia Khatla
4 K. Lalchhanhima Lunglei
5 Lalawmpuia Ramhlun South
6 Lalruatfela Republic Veng
7 Ṭhasiama Venghlui
8 Lalramthlamuana Ramhlun South
9 Sairuatkima Dawrpui Vengthar
10 David Lalthlamuana Bungkawn
11 Laldanmawia Kolasib
12 Jess Lalthamuana Hnamte Model Veng
13 Lalrinhlua Armed Veng
14 David Lalchhuanawma Salem Veng
15 Ramngaihawma Khatla
16 Lalramdinsanga Edenthar
17 Israel Laldingngheta Salem Veng
18 K. Lalhmangaihkima Tuithiang
19 K. Lalrinawma Chaltlang
Team Officials
Head Coach : Samuel Lalrinzuala Sailo
Manager : Lalrozama Pachuau
Physio : Jonah L Hnamte