Rooney kha ka chelh - Moyes

Manchester United manager hlui David Moyes chuan Old Trafford-a cham lai khan an star player Wayne Rooney chuan Chelsea a zawm hman ṭep thu a sawi.

Sir Alex Ferguson-a'n United a chhuahsan vanga Everton aṭanga United pantu Moyes chuan, "Chelsea khan Rooney kha an lalut hman ṭep a, mahse ka tum ber chu kan hnena khel tura cham tir kha a ni a, chhuah tir kha ka tum lo bur a ni. Jose Mourinho khan a duh em em a, mahse inbiakna neihpui kha kan tum lo tawp mai a ni," tiin United-a cham tura Rooney-a'n hmin dan chungchang a sawi.

Everton manager a nih laia a senior game hmasa ber Rooney khelh tir tu Moyes chuan, "Khatih lai khan Rooney khan amaha theihna awm kha a hlauh a, ball a chan tawh chuan a hlauhawm thei em em. Mahse khatih lai kha chuan a hnual ve hle, theihtawpin kan pui a, amah in enfiahin a rawn dingchhuak ve leh thei ta a ni," tiin Rooney khan chhuah ringawt a ngaih­tuah hman thu a sawi.

Real Sociedad manager David Moyes hi United-ah beisei a phak loh avangin a cham rei lo hle a, thla ruk chauh a cham hman tihin Champions League pawh a khelhpui phak loh avangin ban a ni.