Dr TAo Football Vawiinah 2014 Final Rematch
Northeast football thiam ber zawnna Dr TAo Football Championship-ah Mizoram ṭum hnih an champion tawh a, Manipur record tluk pha turin vawi khat champion a la ngai. Mizoram leh Manipur chiah hi Dr TAo Football nomawi chawi thei an ni.
Mizoram hian zanin dar 7:30 hian Meghalaya an hmachawn dawn a, match hmasa ber hi mak takin '2014 Final Rematch' a ni nghal.
Mizoram hi Meghalaya, Tripura leh Manipur-te nen Group B-ah an awm a, an inkhelhna hmun tur hi DSA Ground, Silchar a ni. Group A-ah a thlengtu Assam, Nagaland, Sikkim leh Arunachal Pradesh te an awm thung.
2014 Final Kha
February 14, 2014 khan Lammualah Mizoram leh Meghalaya-te'n final an khel a. Final hmuhnawm takah hun pangngaia 1-1 an draw hnuin penalty shootout-ah 3-1 in Mizoram an chak.
Final-a Mizoram starting eleven zingah ṭun ṭum squad-a tel nawn chu defender Lallawmzuala leh midfielder Lalfakzuala-te chauh an ni.
Coach a inringtawk
Mizoram coach HC Zarzoliana chuan, "Kan pool-ah Manipur leh Meghalaya an awm a, Assam awmna group ai chuan a harsat a rinawm. Kan tih theih chu theihtawp chhuah a ni," a ti.
Aizawl FC leh Chanmari FC te'n I League 2nd Division an khel a, player thlan tur an tam tawk lo. Mizoram coach chuan team chungchang sawiin, "Kan player-te hi an ṭha tawk em em a ni. Tun ami bak hi chu han thlan tur vak an awm chuang lo. Player ṭha tak kan nei a, champion loh pawhin player-te hi chu chhuanlam tur a ni lo," tiin player-te chunga rinna a nghah thu a sawi a. Meghalaya team chungchang erawh a la hmuh bik loh avangin rin thiam a har thu a sawi bawk.
Group 1 Group 2
ASSAM (ASM) ASSAM BLUES (ASB)
MEGHALAYA (MGL) TRIPURA (TPR)
SIKKIM (SKM) MANIPUR (MNP)
ARUNACHAL (AP) MIZORAM (MZR)
Group 1 : Guwahati; Group 2 : Silchar
Fixtures
Group 2 : April 21, Thawhlehni
5:00 PM Manipur Vs Tripura
7:30 PM Meghalaya Vs Mizoram
Group 2 : April 23, Ningani
4:30 PM Tripura Vs Mizoram
7:30 PM Meghalaya Vs Manipur
Group 2 : April 25, Inrinni
4:30 PM Mizoram Vs Manipur
7:30 PM Meghalaya Vs Tripura
April 28, Thawhlehni
SEMI FINAL 1
SEMI FINAL 2
May 1, Zirtawpni
FINAL