La Liga Real Sociedad an chak lo

David Moyes-a enkawl Real Sociedad-in Thawhṭanni zan khan Elche 1-0 in an hneh lo. Minute 19-naah Elche striker Jonathas chuan Sociedad midfielder Markel Bergara ball a chuhsak hnuah inkhela goal awmchhun a khung a, Brazilian striker tan tun season-a goal 10-na a ni.

Chelsea aṭanga loan hmanga lak luh Mario Pasalic-a'n Elche goal hnihna a khung teuh viau bawk. Real Sociedad hi chak lo mah se table-ah 12-na an ni chhunzawm zel a, Elche hi 14-naah awmin relegation zone nena an inkarah point ruk chauh a awm.

La Liga-ah Barcelo­na-in point 78 hmuin hma­hruaitu an ni a, an hnuaia awm Real Madrid aiin point hnih chiahin an sang.