Catalan club-in Pogba lak tum lo

Barcelona president Josep Maria Bartomeu chuan an club in Paul Pogba lak luh an tum loh thu a sawi.

Kum 22-a upa Pogba hi a agent Mino Raiola-a'n sawmna ṭha tak a hmuh chuan Juventus a chhuahsan theih thu a sawi tawh a, mah se Barca aṭangin sawmna a hmu dawn lo niin a lang.

Barca president Bar­tomeu chuan, "Pogba hi player ṭha tak a ni a, tun dinhmunah chuan lak luh lam kan ngaihtuah lo. FIFA-in January 2016 hma chu player la lut thei lo turin min hrem a, hralh chhuah erawh min phal sak. Kan player zingah club dang awh tak tak an awm nual a, player ṭha bik luh theih nan chhuah tir dan chu kan ngaihtuah. Pogba erawh contract nei lai a ni a, a contract neih lai hi kan zah sak," tiin French midfielder la tura Serie A champion Juventus an biak loh thu a sawi.