Van Persie a dam tawh

Thawhṭanni zan khan Manchester United U21 leh Leicester City U21 te 1-1 in an inhnehtawk a, he inkhelah hian United first team tana khel pha Robin van Persie, Adnan Januzaj, Jonny Evans, Tyler Blackett, James Wilson leh Rafael te'n starting eleven an chang.

Dutch forward Van Persie hian February thlaa Swansea nen an inkhelh ṭuma a inhliam hnuah first team tan a la inlan leh lo a, Under 21-ah intuai hriam phawtin darkar khat chhung a khel. Defender Evans erawh March thlaa Newcastle nena an inkhelh ṭuma Papiss Cisse chil a chhak khum vangin match ruk chhung khel thei lo tura hrem a ni.

Van Persie dam thu hi United tan thu lawmawm ni mah se King Power Stadium-ah Rafael leh winger Adnan Januzaj te inhliam vanga lakchhuah an ni a, United-in inhliam an neih belh.