Dai ngai loh ramah Djokovic

World number 1 Novak Djokovic chuan dai ngai loh ram a dai zel a, tun season-ah a khelh ṭhat tluan em avangin a chenna ngai loh ramah a cheng mek a ni.

Tun season Masters 1000 tourna­ments hmasa pathum, Miami Open, Indian Wells leh Monte Carlo-ah te a champion vek a, tunhmain hetiang Masters tournament hmasa pathuma champion zawn hi an la awm ngai lo. Grand Slams tih lohah chuan Masters hi tennis inelna lian leh ngaihhlut a ni.

World ranking-ah World number 2 Roger Federer nen an inthlauhna chu point 5,000 aiin a tam zawk a, tumhmain Djokovic hian hetiang hian hma ala hruai fal ngai lo a ni. ATP ranking hi tun hnai thla 12 chhunga an match chak zat aṭanga an point hmuh belh khawm lak a ni. Tun dinhmunah Djokovic hian points 13,845 hmu mekin amah hnaih ber tu Federer chuan points 8,385 a hmu mek a ni.