Henderson-a'n contract thar a ziak hnai

Nakum season tawp lama a contract hmang zo mai tur Liverpool midfielder pawimawh Jordan Henderson chuan Anfield-a kum nga dang cham turin contract thar a ziak hnai a, contract hi a ziak a nih chuan kar khatah £100,000 a hlawh thei dawn a ni. Beisei anga inbiakna a kaltluang a nih chuan Hendo hian kar tawp lamah chuan contract thar hi a ziak hman tura ngaih a ni.

Kum 24-a upa English midfielder hi season thara captain Steven Gerrard-a'n LA Galaxy a zawm dawn avangin Liverpool captain ni tura rinkai ber a ni. Tunah hian vice-cap­tain a ni mek nghe nghe.

Kum 2011-a Sun­derland aṭanga pound maktaduai 20 senga Liverpool-in an lakluh Henderson hian tun season-ah Reds tan match 48 khel tawhin goal sarih a khung a ni.