Kanan FC leh Ramthar FC te an chak

Yamaha ADFA First Division League-ah nimin khan Kanan FC-in Hlimen FC chu 2-0 in an hneh a, inkhel hnuhnung zawkah Ramthar FC-in Mission Veng FC 4-2 in an hneh ve bawk.

RG Stadium-a inkhelah Chawngthansanga kaihhruai Kananin inkhel an thunun a, Hlimen player Malsawm-dawngkima hnawhchhuah a nih avangin harsatna nei loin hnehna an chang.

Kanan tan hian season liam taa First Division top scorer Lalthuthlunga'n goal hnih a khung a, Chawnga hote hi match hnihah an la chak ve ve. Inkhel hnuhnung zawkah ruahsur vangin inkhelh a harsa a, goal erawh a lut tam tho.

Mission Vengin 2-1 in hma hruai mah se hun tawp lama P. Lalramapana, Vanlalhruaizela leh John F. Malsawmtluanga te hmangin Ramthar Vengin 4-2 in an lehthal.