Match hmasaah Srikanth a chak

Kidambi Srikanth chuan nimin khan Macau Open-ah a match hmasa ber khelin, a khingpui Daniil Dubovenko chu 21-14, 21-15 in a hneh, harsa lutuk loin second round a inhlangkai.

Mixed doubles huangah Sumeeth Reddy/Sikky Reddy te chuan Malaysian duo Loo Bing Kun/Ho Lo Ee te chu 24-22, 10-21, 21-13 in an hneh. Rohan Kumar/Ruthvika Shivani te erawhin theihtawp chhuah mah se Ruttanapak Oupthong/Jhenicha Sudjaipraparat te lakah 23-21, 24-22 in an chak lo.

Indian player dang Tanya Hemath chu hmeichhe singles huangah inlanin, a match hmasa berah Liang Ting Yu 18-21, 19-21 in a hneh lo; Anupama Upadhyaya pawh Riko Gunji lakah 12-21, 22-20, 7-21 in a tlawm bawk.