McLaren-ah Red Bull thluak bur pakhat a kal dawn!

Red Bull head of race strategy Will Courtenay-a chuan kum 14 hnuah a hna a kalsan dawn a, an elpui McLaren lamah Sporting Director ni turin a kal ang.

Red Bull hian Formula 1 an thunun rih a, mahse tun hnaiah team chhung aṭanga chhuak an awm fo - tun hnai thla nga chhungin team enkawltu pathum ngawtin Red Bull hi an chhuahsan dawn tih a chiang ta a ni.

McLaren erawh an insiamṭha mek a, champion lai Red Bull tana elpui hautak an ni chho mek - McLaren team principal Andrea Stella chuan, "Will-a hian tawnhriat a nei ṭha a, a inpekna, thiamna leh finna zawng zawngte hi kan team tan chuan duhthusam a ni," a ti.

Red Bull lam chuan nimin chawhnu lam thleng khan Will-a chhuah tur thu hi an la sawi chiang duh lo. Mahse, hun rei tak a lo thawhpui tawh pakhat chuan, hlawhtling taka inelna a lo hmachhawn pui tawhin chona thar a hmachhawn san dawn ta chu uiawm a tih thu a sawi ve thung.

Red Bull hian tun season chhungin hneh takin ro an rel leh tura ngaih a ni a, mahse tun hnaiah McLaren chuan an rawn el phak - team championship lamah pawh an hmahruaina an chhuhsak tawh a, na takin an inel chhunzawm dawn a ni.