West Ham in ticket man an tihniam
Premier League club West Ham chuan tun hnaia Premier League-in Sky leh BT Sport nen Television rights pound tluklehdingawn 5.13 man lai an ziah thar avangin an season ticket man an tihniam dawn. Premier League club zinga Television rights sum tam tham tak a luh hnua season ticket man tiniam hmasa ber chu West Ham hi an ni.
West Ham season ticket man tlawm ber hi £289 a ni tawh dawn a, tuna an hman mek season ticket man tlawm ber £620 leh a to ber £940 nen chuan a inthlau hle. West Ham hi season thar aṭangin stadium thar Olympic Stadium-ah an insawnlut dawn nghe nghe a, stadium hawh manah hian kum tin pound maktaduai 2 an sen a ngai ang.
West Ham vice-chairman Karren Brady chuan, "Kan stadium thara kan insuan luh hunah chuan ticket man te pawh kan tihniam vek ang tiin kan lo intiam tawh a, kan intiamna ang ngeiin kan tihlawhlting dawn ta a ni," a ti.
Brady chuan, "Stadium thar luah hi kan tan chuan sum leh pai tam tak fan-te tibuai lo a lakluhna remchang a ni," a ti.