United-ah Smalling a nghet

English defender Chris Smalling chuan a khel mekna Manchester United-ah June, 2009 thleng cham turin contract pawhsei a remti. Smalling hian kum 2010 khan Fulham aṭangin United hi a zawm a, Old Trafford-a a cham chhungin Premier League title pahnih a la tawh.

United boss Louis van Gaal chuan, "United ka enkawl hun chhung la rei lo mah se Chris hian hmasawnna nasa tak a nei a, squad-ah player pawimawh tak a ni," tiin a player fak.

Kum 25-a upa Smalling chuan, "Tun hi United tan hun pawimawh tak a ni a, dinhmun sang taka awm leh turin club-in ṭan a la mek a ni. United tana ka khel thei hi ka lawm a, Van Gaal-a hnuaiah team angin kan khel a, team tan theihtawp ka chhuah zel ang," tiin a sawi.