I League Balewadi Stadium-ah Bengaluru an chak

Second 14-na lekah Shankar Sampingiraj-a'n Bengaluru FC goal hmahruai a khung a, I League champion lai club history-a goal rang ber a ni. Thawhlehni zan khan Balewadi Stadium, Pune-ah Bengaluru-in Sampingiraj leh C.K. Vineeth te goal hmangin mualneitu Pune FC 2-0 in an hneh.

Bengaluru-ah Lalthuammawia Ralte, F. Lalchhuanmawia leh Beingaichho Beikhokhai te'n bul an ṭan a, Pune FC-ah Zohmingliana Ralte, F. Lalrempuia leh Lalramluaha Ralte te'n starting eleven an chang bawk.

Bengaluru boss Ashley Westwood-a'n India captain Sunil Chettri aiah Vineeth a ring a, Kerala forward hian minute 43-naah Beikhokhai cross chu goal-ah a chantir. Second half-ah Pune FC-in inkhel thunun mah se keeper Thuammawia a che ṭha a, goal dang a lut lo. Bengaluru-in Royal Wahingdoh leh Mumbai FC an draw hnuah chak hmel an hmu leh ta.