CYMA Football Vawiin aṭangin Ramhlun Sports Complex a hman theih dawn

Ruahsur vangin CT Group Cup Inter Branch YMA Football Tournament ṭanniah Ramhlun Sports Complex a hman theih lo a, nimin thleng khan Republic Veng Khelmual hman a ni. Vawiin aṭangin Ramhlun Sports Complex-ah khelh ṭan a ni ang.

Inelna hi khelmual pali Lammual, Rajiv Gandhi Stadium, Ramhlun Sports Complex leh Joint YMA Field, Vaivakawnah te neih tura ruahman a ni a. Round of 32 aṭangin Lammualah chauh inelna hi neih a ni ang.

Field allotment neih loh avangin February 24, Zirtawpni khian Lammualah inkhel a awm lo ang a, February 25, Inrinni khian Rajiv Gandhi Stadium-ah inkhel a awm lo bawk ang.