Quarterfinal-ah Srikanth a lut

Macau Open Super 300 badminton tournament khelh laiah Kidambi Srikanth chuan mipa singles quarterfinal a lut a, hmeichhe double huanga inaln Treesa Jolly leh Gayatri Gopichand te pawhin last 16 an paltlang.

Second round inkhelah, seeded parukna Srikanth hian amah ang bawka Indian tlangval Ayush Shetty chu 21-13, 21-18 in a hneh a, tournament neih laia singles match khel zingah amah chauh a dam tawh.

World Championship 2021 silver medalist Srikanth hian a match lehpekah chuan seeded palina Ng Ka Long Angus a hmachhawn ang, tun hmain Hong Kong tlangval nen hian vawi riat intawng tawhin ṭum li ve ve an chak.

Hmeichhe doubled lamah Treesa Jolly leh Gayatri Gopichand te ṭangdun chuan Chinese Taipei nula Lin Chih-Chun leh Teng Chun Hsun te inkawp chu 22-20, 21-11 in an hneh, chak turin minute 38 chhung chauh hun an mamawh a ni.