Berlin lakah Bayern chungnung

Bayern Munich chuan an mikhualna ramah Hertha Berlin chu 4-0 ngawtin an hneh. German champion hian first half-a goal an khung loh hnuin second half-ah Thomas Muller (60'), Robert Lewandowski (73' - Penalty), Thiago Alacantara (76') leh Ivan Perisic (84') ten goal khat ṭheuh an khung.

Pathianni zan inkhelah Bayern-in inkhel thunun hret mah se an khelh dan thlirin vanduai thei dinhmunah an ding a, first half-a Lewandowki goal khung chu VAR hmanga ennawn a nih hnuah pawm a ni lo. Darkar khatnaah chiah Perisic-a siam chu Muller-a'n ṭha zetin goal-ah a chantir a, referee duhsakna dawngin minute 73-naah penalty an hmu - Robert Lewandowski-a'n goal-ah chantirin Jurgen Klinsmann-a enkawl Hertha Berlin tan thawhchhuah a harsa tawh.

Minute 76-naah Thiago Alcantara-a'n a ball thiamzia a lantir a, Perisic-a'n minute 84-naah Bayern goal lina a khung leh bawk. Point thum an hmuh avangin Bayern hi Bundesliga table-ah pahnihna an ni a, hmahruaitu RB Leipzig chu point li chiahin an pha tawh lo.