Fit India Freedom Run buatsaih

Khawzawl DC office chuan nimin zing khan Khawzawla infiammite tan Fit India Freedom Run an buatsaih. Khawzawla football, volleyball leh badminton pawl aṭanga aiawhte telin, mi 46 an tlân a, bawrhsap Zothanmawia‘n a vailiam.

Fit India Run khuhhawnna Taidawnkawn, Zaingen Venga neihah Zothanmawia chuan, India sorkarin taksa leh rilru hriselna lamah hma a sâwn zel thu a sawi a, "Mizo mipuite‘n nunphung leh ei leh in hriselna kan ngai pawimawh zel hi a lawmawm a, India ramah hma hruaitu ni thei turin ṭan kan lak sauh sauh a pawimawh," a ti.

Fit India Freedom Run hi Taidawnkawn, Zaingen Vengah ṭanin, km. 3.5 vela thui an tlân a, DC pisa tualah an tàwp a ni. Vawiin zing hian Khawzawla sorkar department hrang hrang leh tlawmngai pawl aiawhte Fit India Freedom Run pualin an tlân ve leh ang.