I League U19 DSK Shivajians an chesual nawn

Mizo pasarih awmna DSK Shivajians chuan an match hmasa bera Pune FC U19 an hneh loh hnuin Nilaini zan khan AIFF Elite Academy 4-1 in an hneh lo.

DSK Ground-a in­khelah Jerry Mawi­hmingthanga hmangin DSK-in goal an khung hmasa zawk a, he goal hi AIFF Elite Academy-in goal liin an chang let. AIFF Academy-ah hian Mizo pathum awmin Malsawmzuala, Daniel Lalhlimpuia leh Lalramzauva te'n starting eleven an chang.

DSK hi chak zo lo mah se Armed Veng South rawlthar Lalnunsiama chu a ṭum hnih nan man of the match a thlan a ni. Lalramhluna fapa Siama hian MPL2 U17-ah khan Chanmari FC U17 a champion pui a, best defen­der-ah thlan a ni. Inkhel dangah Salgaocar FC U19-in Pune FC U19 2-0 in an hneh.

Vawiin tlai dar 5:15 hian Salgaocar FC U19 leh DSK Shivajians U19 te an inkhel ang a, zan dar 8:00-ah hmahruaitu AIFF Elite Academy leh Pune FC U19 te an inkhel leh bawk ang.