Pedrosa-a'n hma a sawn

Tun season MotoGP intlansiak hmasa ber Qatar Grand prix-a a ban tihrawl a harsatna aneih avanga in enkawl zui ngai Dani Pedrosa chuan zawi zawiin a ṭhat chhoh zel thu a sawi.

Repsol Honda rider Pedrosa hian a banah natna a neih avangin Texas leh Argentine Grand Prix pawh a tlan thei tawh lo a, karleha an ram Spain a intlansiak lo awm turah chuan tel theih tawh a chak thu a sawi a ni.

Kum 29-a upa Pedrosa chuan, "Nitin mai hian hmasawn na hmuh tur a awm a, ka ban na pawhin ziaawm lam a pan zel e. Tuna kan tih theih ṭha ber chu dawhthei taka nghah rih a ni tawp mai. Doctor-in indim rih hle turin min ti a, relo teah intlansiak turin ka lo kir leh ang. Kan rama intlansiak hi ka chak a, mah se tun dinhmunah chuan thu chiang sawi theih a la ni lo," tiin a sawi.

Tun season-ah Honda team an la che fuh rih lo a, World champion lai Marc Marquez chu tun dinhmunah drivers' championship-ah pangana a ni pah chauh a, Marquez-a team-mate, intlansiak vawikhat chauh la hmachhawn Pedrosa chu 12 na a ni mek thung a ni.