Barcelona Open-ah Nadal a chak

Rafael Nadal chuan nikum quarter final-a a hneh loh Nicolas Almagro hnehin Barcelona Open third round a lut.

French Open inbuatsaih nan clay court-ah Nadal a inkhel leh a, vawi riat a champion tawhna tournament-ah hian first round a bye a, second round-ah a khingpui Almagro lakah harsatna tawk loin 6-3, 6-1 in hnehna a chang a ni.

Russian Andrey Rublev hnehtu seeded 13 na Italian Fabio Fognini leh Nadal hi third round-ah an inhmachhawn leh ang. Fognini hian 3-6 6-4 6-1 in Rublev a hneh a ni.

Inkhel dangah US Open champion lo ni tawh Marin Cilic chu Victor Estrella Burgos lakah 6-4, 6-4 in a chak lo. Cilic hi a dar hliam vangin tun season-ah a inkhel tam thei lo a, tournament pathum chau ala hmachhawn thei a ni.

Seeded pathumna David Ferrer chuan Albert Montanes chu 6-2, 6-3 a henhin third round a lut bawk a, hetih lai hian Nick Kyrgios chu Elias Ymer lakah 2-6, 7-5, 7-6 (8-6) in a tlawm thung.