Raikkonen contract atan Ferrari an hmanhmawh lo

Tun season tawp ruala a contract tawp ve mai tawh tur Kimi Raikkonen contract thar chungchangah Ferrari lam chu an hmanhmawh rih lo.

Kum 35-a upa Raikkonen leh Sebastian Vettel-a te hi Ferrari driver duhlai an ni a, Vettel hi chu kum 27 chauha upa ala nih avangin contract pawtsei tur pawhin a harsa lo maithei. Mahse, kum 30 chuang tawh Raikkonen tan chuan contract thar ziak turin tun season a chet ṭhat a ṭul hle dawn a ni.

Ferrari team boss Maurizio Arrivabene chuan, "Kimi hi driver ropui leh thiam bik anih avangin contract pawh sei hi a phu in a awm hle. Mahse, kan hmanhmawh rih lo mai zawk chauh a ni, a chhan chu inthlahdah lo a a theih tawp tak meuh meuh a chhuah lai hmuh zel kan duh vang zawk a ni." a ti.

Tun season intlansiak vawili neih tawh aṭangin Raikkonen hian point 42 hmu tawhin drivers' championship-ah palina a ni mek a ni.