Pienaar-a'n chawlh a tum hman

Everton midfielder Steven Pienaar-a'n season tir khan inhliam vanga a buai reng avangin chawlh a tum hman thu a sawi.

South Africa inter­national hian a khup leh ṭhalah hliam a tawh reng avangin tun season-ah match 11 chiah a la khel a. Tun thla tir khan Premier League-a Swansea City nena an intawn ṭumin a rawn kir.

Piernaar chuan, "Boot khai mai ka rilruk hman hial a, mah se inkhelh nuam ka tihna ka la theihngilh lo a, tawrh hram hram a ṭul tih ka hria. Training thei loa ina awm chuan rilru chu a hnual a, mah se tunah chuan ka dam tawh a, ṭha takin ka khel leh thei tawh ang," tiin a sawi.