Spain a hmasawnin beisei McLaren

Tunkar tawp hian Formula One intlansiak awm dawn lo mah se May 10 a Spain Grand Prix an tlan tur atan team tin an inpuahchak mek zel a, beisei anga season ṭan ṭha lo McLaren pawhin Spain-ah chuan hmasawn ngei an in beisei tawh.

Racing director Eric Boullier chuan, "Kan car hnunglamah thil thar kan hmang tawh dawn a, intlansiak apiangin chassis thar kan hmang ziah bawk ang. Kan engine pawh kan duh angin technology thar hmangin thuam ṭhat a ni tawh bawk. Hengte avang hian Spain-ah chuan danglamna kan hmuh tawh nghei kan beisei," tiin a sawi.

Pathianni a Bahrain Grand Prix an tlan zawh takah khan McLaren driver Fernando Alonso chuan point a hmu teuh hle mai a, 11 naah thlengin point a hmu phak lo chiah chiah.