Barcelona Open-ah Nadal a chak lo

Rafael Nadal chu Barcelona Open third round-ah Fabio Fognini hneh lo in a tla. Fognini nena an inkhelh chu atan chuan a khelh chhiat ṭum leh a khingpui ṭhat vang a nih thu a sawi.

Italian Fognini hian Nadal chu 6-4 7-6 (8-6) in a hneh a ni. Barcelona-ah hian Nadal hi a che ṭha ṭhin hle a, kum 2003 kha a chak loh hnuhnung ber a ni daih tawh a, hetih hunalai hian Nadal hi kum 16 chauh a la ni. Kum 12 hnuah a chak lo leh chauh.

Kum 28 a upa Nadal chuan, "Ka khel chhe tak zet a ni. He result hi ka tan chuan inenfiahna tur a ni ang, ka tih dik loh leh tisual te ka pawm thap a siam ṭha turin ka inzir nghal ang. Harsatna hrang hrang tawk ve ṭhin mah ila beidawng loin ka sutlang ve leh mai ṭhin chu vangin ka tho leh ang," tiin Nadal chuan insiamṭhat a tum thu a sawi.