Kum nga dang Liverpool-ah Hendo

Liverpool midfielder Jordan Henderson chuan kum nga dang Liverpool-ah cham turin contract thar a ziak. Hendo hian kar khatah kum nga chhung chu £100,000 (Rs. 95,97,153) a hlawh dawn a ni.

Kum 24-a upa Liver­pool vice-captain chuan, "He club ropui tak tana ka khel chhunzawm zel thei tur hi ka lawm takzet a, kum lo kalzel turah trophy tam tak kan chawi chhoh ngei ka beisei," a ti.

Kum 2011-a Sun­derland aṭanga Liverpool pantu chuan, "Tunhnaiah he club hian hma kan sawn nasa em em a, kan tih tur awmchhun chu trophy chawi thei ngei tura inbuatsaih hi a ni," tiin Anfield-a cham rei a tum chhan chu trophy chawi a tum vang a nih thu a sawi.

Liverpool hian an players pawimawh zing­ah tunhnai khan striker Daniel Sturridge leh midfielder Philippe Coutinho te chu contract thar an ziahpui tawh hlawm a ni.