Rossi entawntu Marquez

Repsol Honda rider Marc Marquez chuan Valentino Rossi chu a ngaihsan thu leh a entawn ber pakhat a nih thu a sawi.

Argentina Grand Prix an tlan ṭum khan pakhatna ni ngei tawh tura alan laiin intlansiak zawh dawnah Rossi-a'n Spaniard Marquez hi a lehpel thei a, Marquez hian tlan lehpelh let ve leh a tumna lamah a chesual a, intlansiak a tlan tluan ve thei lo a ni. Heivang hian championship table-ah Rossi-a'n hma a hruai fal phah ta a ni.

Marquez chuan May 3 a Spain Grand Prix an tlan leh hunah chuan a thilsual palh te aṭanga inzirin a champion lallu­khum humhim tura theih tawp chhuah theih a inbeisei hle.

Honda rider Marquez chuan, "Ka sawi fo tawh a, ka sawi nawn leh ang. Rossi hi ka idol a ni a, a hnen aṭangin thil tam tak ka zir chhuakin ka entawn ṭhin a ni. Tunah chuan Argentina theihnghilhin Spain lam kan ngaihtuah a hun tawk zawk ang. Kuminah hian champion leh ngei ka duh a, ka lallukhum humhim turin kawng dik ka zawh a hun tawh a ni," tiin a sawi.