Delhi tan Duminy a langsar
India Premier League a hmuhnawm chho zel a, Ningani zan khan Delhi Daredevils leh Mumbai Indians te inkhelin run 37 in Delhi in hnehna an chang.
Feroz Shah Kotla, Delhi-a inkhelah hian mual neitu Delhi an tlangnel a, over 20 lekah run 190 vawchhuakin mi pali an hloh. Delhi tan Indian rawlthar kum 20 leka upa Shreyas Iyer a che ropui a, ball 56 a hmachhawnah run 83 a vawchhuak. Captain Jp Duminy-a'n a theihna rawn pholang lehin ball 50 a hmachhawnah run 78 a vawchhuak a, a tawp thleng damin dinhmun duhawm takah a team a hlangkai.
Mumbai Indians lamin theihtawp chhuahin an target um mah se Delhi bowler te an ngam meuh lo. Over 20-ah run 153 chiah vawchhuakin mi pakua an hloh a, chak lo zawkah an ṭan a ngai ta a ni. Delhi tan bowler Imran Tahir a che ṭha a, over 4-a vawmah run 22 chiah pe in wicket thum lai a la thei a ni.
Vawiin inkhel tur
Tlai dar 4:00 hian Wankhede Stadium, Mumbai-ah Mumbai Indians leh Sunrisers Hyderabad an inkhel ang a, zan dar 8:00-ah Chennai Super Kings leh Kings XI Punjab te MA Chidambaram Stadium, Chennai-ah an inkhel bawk ang.