Bacary Sagna a inchhir lo

Manchester City fullback Bacary Sagna-a'n Arsenal a chhuahsan hnuah khelhna hmun chang tam lo mah se Etihad Stadium a pan avangin a inchhir lo.

French defender hian nikum June thlaa a contract tawp hnuah free transfer-in Manchester City a zawm a, kum thum chhung atan contract ziakin City tana a inlan zat chu vawi 16 lek a ni.

Kum 32-a upa Sagna hi Argentine defender Pablo Zabaleta tha chhang dawltu a ni. French defender chuan, "Fans tam takin Arsenal ka chhuahsan kha tisualah min ngai a, amaherawhchu duh thlang ṭha leht hei pawh ni ila, City hi ka zawm tho ang," tiin a inchhir loh thu a sawi.

Sagna chuan sawi chhunzawmin, "City tana ka inziah luh khan ka tum ber chu club tana theihtawp chhuah a ni. Arsenal-ah chuan match zawng zawngah ka khel a, hetah chuan player ṭha an tam avangin kan inkhelh chhawk hi ka rin dan chiah a ni, mak tihna ka nei lo," tiin a sawi.