Pellegrini a derthawng

Premier League champion lai Manchester City manager Manuel Pellegrini dinhmun a derthawng niin tunlai hian thuthang a tam hle.

Tun dinhmunah Man City hian Pre­mier Lea­gue-ah point 64 hmu mekin table-ah palina an ni phak ṭawk a, hmahruaitu Chelsea nen an inthlauhna chu point 12 zet a ni tawh. Player lei nan leh player hlawh a hmang hnem City tan chuan palina nih hi lungawina chi niin a lang lo.

Champions League, FA Cup leh League Cup-ah te an tla fai vek tawh a, champion nomawi chawi loin season an khar dawn a ni. Season tharah Man City hian manager thar an nei a nih pawhin thil mak a ni hran lo ang.

Inrinni zan dar 10:30 hian Tim sherwood a enkawlna hnuai a harhtharna chang Aston Villa nen an inhmachhawn dawn a, hei hi Pellegrini tan chuan fiahna pakhat a ni ang.