Mama goal a mawi

S. Malsawmtluanga'n penalty area pawn aṭangin a ke dinglamin nalh takin a pet kual lut a, Dempo SC keeper Laxmikant Kattimani tan dan rual a ni lo.

Inrinna zana Salt Lake Stadium-a I League inkhelah mualneitu East Bengal-in Goan club Dempo SC 3-1 in an hneh a. Minute 64-naa Mama'n goal a khung hma hian first half-ah Dudu Omagbeni leh Ranty Martins te'n East Bengal tan an khung a, Dempo lamin minute 84-naa Tolgay Ozbey penalty hmangin goal khat an khung ve bawk.

Jersey no. 28 larpuitu Mama chuan, "Kum kha leh chen ka lo inkhel tawh a, mah se khatianga ka score nalh tih ka la nei lo. A nalh ka ti bawk a ni ang, ka ennawn chhen mai," tiin a sawi.

Mizo tlangval Mama hi Inrinni zan inkhelah hian Hero of the Match a thlan a ni.