Bundesliga Bayern Munich champion a hnai

Inrinni zan khan Bayern Munich chuan Bastian Schweinsteiger a goal khat thun hmangin Hertha Berlin an hneh. Table-ah point 76 hmuin anmahni hnaih ber tu Wolfsburg aiin point 15 in hma an hruai fal tawh a ni. Pathianni zanah Wolfsburg-in Borussia Monchengladbach an hneh lo a nih chuan Bayern hi German champion an ni ang.

Tun season a champion nomawi pathun chawi tum tu Bayern hian Bundesliga bakah German Cup leh Champions League semifinal an lut tawh a ni.

Mikhual Hertha BSC hian an game hnuhnung pasarihah tlawm an nei lo a, Inrinni zan pawh hian Champions League khel chau Bayern lakah an khel chhe lo hle. Goal thun theihna hun ṭha an nei a, Nico Schulz chuan a hun ṭha neih a chhawr ṭangkai zo lo. Bayern goalkeeper Manuel Neuer nen chauh an inhmachhawn hnuah Hemi hnu hian Robert Lewandowski head ṭha tak chu Hertha goalkeeper Sascha Burchert-a'n a lo dan sak ve bawk.

Hun tawp nan minute 13 chauh a awm tawh a, Bastian Schweinsteiger chuan goal ban a tauh pek dawp. Hertha an vannei a, mahse an talbuai chhun zawm. Mitchell Weiser chuan box chhunga awm Schweinsteiger a tan ball ṭha tak pein ani hian an chakna goal-ah a lo chantir zui a nghal a ni.

Bayern manager Pep Guardiola chuan, "Champions League game hautak tak khel hlim kan nih avangin a harsa ṭhin a ni. Zaninah khan player naupang zawk te tan hmun kan siam sak a, an khel ṭha hle. Tunah hian a hmawr kan bawk ṭep tawh a, kan thawhrimna te a lo tlawna a liam mai loh nan kan khelh hmabak atn rilru kan sawrbing tur a ni. Inelna ala tawp lo a, kan la inthlahdan thiang lo," tiin a sawi.

Inkhel dang results

Bayern Munich 1 - 0 Hertha BSC

FC Koln 1 - 1 Bayer Leverkusen

Bor Dortmd 2 - 0 Eintracht Frankfurt

Hamburger SV 3 - 2 FC Augsburg

Hannover 96 1 - 2 TSG 1899 Hoffenheim

VfB Stuttgart 2 - 2 Sport-Club Freiburg

FSV Mainz 05 2 - 0 Schalke