Ligue 1 Paris St-Germain hmahruaina Lavezzi

France-ah palian pahnih an awm a, Paris St-Germain leh Lyon an ni. Kuminah Ligue-ah hma an inhruai chhawk zak zak reng a, Inrinni zan khan Ezequiel Lavezzi hat-trick hmangin PSG-in Lille chu 6-1 in an sawp. PSG hian point 68 hmuin Lyon aiin point thumin an sang leh ta.

Hrem vanga inkhel thei lo striker Zlatan Ibrahimovic tel loa khel PSG-in goal thunah har­satna an tawk lo a ni.

Champions Leauge aṭang an tlak hnu a an inkhelh lehna hmasa berah PSG tan Brazil left-back Maxwell chuan ṭan aṭanga minute khatna lekah goal a khung nghal. Minute thum a lian hnu lekah Edinson Cavani chuan an goal hnihna a khung zui bawk a, hemi hnu hian PSG an hawikir tawh lo.

Argentina forward Lavezzi chuan chawlh­lawk hmain goal hnih dang a khung belh hman a, second half-ah Lille tan Montenegro defender Basa chuan goal khat thun ve mah se Sebastien Corchia chuan penalty a chawi bakah hnawhchhuah a ni a, Lille beiseina a tawp zui.

Cavani-a'n minute 73 na a an goal ngana akhung aṭanga minute li hnu lekah Lavezzi chuan an gaol rukna leh ama tana goal thumna khung ve lehin PSG an chak chiang hle.

Inkhel dang results

Paris St G 6 - 1 Lille

Bordeaux 1 - 1 Metz

Caen 0 - 2 Guingamp

Gaillard 1 - 2 Bastia

Rennes 2 - 1 Nice

Toulouse 1 - 1 Nantes

Marseille 3 - 5 Lorient