Inter chak zanah Milan chak lo

Inrinni zan Italian Serie A inkhelah Inter Milan chuan AS Roma chu 2-1 in an hneh a, tun hnai an game hnuhnung pariat aṭangin vawihnih an chak na chiah a ni.

Inter tan Hernanes-a'n minute 15 naah an goal hmahruai a thun a, Rodrigo Palacio hnen aṭanga a ball hmu chu box pawn kil aṭangin mawi takin a thlawh lut a ni. Roma lamin an chhang let mai thei lo a, second half minute 63-ah Radja Nainggolan chuan an siphurh a sut hramm a ni. Team pahnihin point khat ve ve an insem dawna alan laiin Mauro Icardi chuan minute 88-ah an chakna goal a khung a, Inter-in point thum hlu tak an hlawhchhuak a ni.

Inkhel dangah AC Milan chuan an khingpui Udinese chu 2-1 an hneh loh a, Milan hian match 32 khelh tawh aṭangin point 43 hmuin table-ah 10 na an ni mek. Season thar atan Champions League chu sawi loh Europa khelh beiseina pawh an nei tawh lo.

Roberto Mancini a naute hian point 45 hmuin pasarihnaah an awm mek a, season thara Europa League qualifiers khel tuin Fiorentina nen point ruk chauhin an inthlau tawh a ni.

Table-a pathumna dinhmun hauhtu Roma dinhmun hi a ngaihṭhat thlak tawh vak loh a, kum tharah Champion League khelh an duh a nih chuan an chet sual a hun tawh lo hle ang. Palina Nalopi lakah point nga chauhin an sang tawh a, Napoli hian match khatin an khelh tlem zawk bawk a ni.