I League Mohun Bagan chakna Jeje

I League hmahruaitu Mohun Bagan-in Shillong-a Royal Wahingdoh an hneh loh hnuin Shree Shiv Chhatrapati Sports Complex-ah Pune FC 2-0 in an hneh a, goal hmahruai hi Jeje Lalpekhlua khung a ni.

Zirtawpni zanah Bengaluru-in Eugeneson Lyngdoh leh Chekiyot Vineeth te goal hmanga Bharat FC an hneh avangin Mohun Bagan-in Inrinni zanah hmahruaina dinhmun sawhnghet turin Pune FC an hneh a ṭul a, Jeje leh Japanese midfielder Yusa Katsumi te goal hmangin hnehna an chang.

Inhliam vanga khelhna hmun chang tam lo Jeje chuan, "Goal ka score chu ka lawm khawp mai, Bengaluru-in table-a min rawn hnaih zel avangin chak kan mamawh a, dinhmun ṭha zawka kan awm theih nana goal ka khung kha ka lawm a ni. Tunah tak hi chuan ngai ka la awh chiah lo a, Pathian zarah ngai ka awh leh vat ka beisei," tiin a sawi.

A club hlui lama a goal khung chungchang sawiin Jeje chuan, "Pune hi min chher liantu an ni a, anmahni zara hetiang thleng thei hi ka ni. Club official-te leh club owner-te'n min duh sak em em a, Pune FC laka goal ka khung hian celebrate loh hi ka duh dan a ni," tiin a sawi.

Inkhel dangah Salgaocar-in khualmualah Shillong Lajong 3-1 in an hneh bawk.

Team Dinhmun

# Team Pld W D L GF GA GD Pts

1 Mohun Bagan 14 9 4 1 26 11 15 31

2 Bengaluru 15 8 4 3 26 15 11 28

3 East Bengal 15 7 5 3 25 16 9 26

4 Royal Wahingdoh 16 7 5 4 22 20 2 26

5 Pune 16 6 5 5 21 20 1 23

6 Salgaocar 15 5 2 8 15 19 -4 17

7 Dempo 15 3 7 5 14 20 -6 16

8 Mumbai 15 3 6 6 16 23 -7 15

9 Shillong Lajong 14 3 4 7 21 23 -2 13

10 Bharat FC 14 2 6 6 8 16 -8 12

11 Sporting Goa 15 1 8 6 12 23 -11 11