Clay Court inelnaah Rinawma a champion

Mizoram Clay Court Tennis Championship chu Inrinni khan Tuivamit Tennis Club Court-ah khelh zawh a ni a, mens' single-ah P&E player Lalrinawma dang zo an awm lo.

Mizoram No. 3 Lalrinawma hian Mizoram No. 2 Lal­hmachhuana (Ngopa TC) 6-2, 7-6 (7-0) in a hneh a ni. Lalrinawma hi April 17 a khelh zawh tak Lalenkawli Memorial Tennis Tournament 2015 ah pawh a champion a, tun ṭum hi Mizoram Tennis Association (MTA)-in kumin chhunga tournament an buatsaihah ṭum hnih a champion na a ni.

Mens' doubles-ah singles champion Lalrinawma leh a kawppui Ramengmawia'n Lalhmachhuana leh K Lal­nunmawia inkawp 9-1 -in an hneh. Ladies-ah chuan tour­nament thlengtu Tuivamit TC players Lalmuanmawmi'n 6-3 in Hmingduhawmi (Ramhlun TC) a hneh.