Premier League-ah Watford an kir

Inrinni khan Amex Stadium-ah Troy Deeney leh Matej Vydra te goal hmangin Watford-in an khingpui Brighton an hneh a. An elpui Middle­sbrough leh Norwich te'n point an hloh bawk avangin Watford in season tharah Premier League an khel dawn.

Watford hian match 45-ah point 88 an hmu a, match khat chauh khelh tur a awm tawh avangin pathumna Middlesbrough-in an um pha thei tawh lo. Pahnihna Bournemouth-in match 44-ah point 84 an hmu a, Premier League la lut chiang lo mah se Championship-ah nomawi chawi thei dinhmunah an la ding.

Championship pakhatna leh pahnihnain Premier League an tling nghal a, pathumna aṭanga paruknain hmunruak pakhat inchuhin playoff an khel ang.

Watford head coach Slavisa Jokano­vic chuan, "Match 46 kan khelh zawh hma chuan a lawm dan tur kan la ngaihtuah hman lo," tiin a season a la tawp loh thu a sawi.