Aston Villa aia vannei Manchester City

Champion lai Manchester City-in Etihad Stadium-ah FA Cup finalist Aston Villa chu hun tawp hma hreta Fernandinho goal hmangin an hneh hram. Brazilian midfielder hi inhliam vanga Yaya Toure lakchhuah a nih hnua second-half a lut a ni.

Inrinni zan inkhelah City 3-2 in an chak a, Manchester City-in bul ṭan ṭha mah se an tawp khar danah erawh a lungawi thlak loh. Point thum hlawhchhuak City manager Manuel Pellegrini dinhmun a derthawng.

Villa goalkeeper Brad Guzan-a'n Argentine forward Sergio Aguero ber kher a pass a, minute thumna lekah awlsam takin Aguero-a'n goal ruakah tun season-a a goal 27-na a khung.

Team pahnih tlar hnung a phui lo. Christian Benteke-a'n keeper Joe Hart chauh a hmachhawn hnuah a ti goal lo a, halftime-ah 1-0 a ni.

Second half-ah inhliam vangin Yaya Toure , Minute 66-naah Aleksandar Kolarov-a'n freekick aṭangin City goal hnihna a khung a, mual neitu hian goal hnih hi an hum zo lo.

Manchester United aṭanga loan-a khel Tom Cleverley leh Carlos Sanchez te goal hmangin tlak hlauhawm a ding City-in an siphurh an sut. Goal hnuhnung zawk hi minute 85-na niin hemi zawh hian Benteke chuan chakna goal khungna chance a nei a, keeper Hart chauh a hmachhawn hnuah referee-in offside thutlukna a siam sak a, replay aṭangin a offside si lo.

City vanneih a kaltluang a, minute 89-naah Fernandinho-a'n chakna goal a khung.

Manchester City manager Manuel Pellegrini chuan, "Kan khel ṭha tawk lo a, mah se hun tawpa chak turin huaisenna kan nei. Football-ah chuan khelh dan aiin result a pawimawh," tiin an result-a a lungawi thu a sawi.

Aston Villa boss Tim Sherwood chuan, "Benteke kha a offside lo a, penalty hlawhchhuak tur kan nih bakah Hart kha hnawhchhuah tur a ni. Chuvangin kan team kha chak zawk tur kan ni. Kan khelh danah ka lungawi a, referee thutluknaah erawh ka lungawi lo," tiin a sawi.

Relegation chungchang sawi zuiin Sherwood chuan, "Result vangin ka buai lo. Khatianga ṭhaa kan khelh hnuah kan relegate ang maw? In nuih a za lo ami?" tiin tlak a hlauh loh thu a sawi.

Villa hian Premier League-a an chet chhiat ber ṭumin point 38 an hmu a, tun season-ah match li chiah khelh tur a awm tawh a, point 32 chiah an la hmu. Table-a 18-naa awm Sunderland nen an inkarah point hnih chiah a awm a. Black Cats hi Villa ai hian match khatin an khel tlem zawk.