Hmar chhak state tan cricket inelna

India hmar chhaka Cricket Associations paruk - Mizoram, Sikkim, Meghalaya, Manipur, Nagaland leh Arunachal Pradesh te intelkhawmna - North East Cricket Development Council (NECDC) Tournament neih a ni.

Tournament-ah hian state tina senior team te tirh an ni a, mipa team te chuan Dimapur, Nagaland-ah khelin an zo tawh. Hmeichhia lamin Ri Bhoi, Meghalaya-ah an khel thung dawn a ni.

Mipa tournament hi One Day format a khelh niin, ṭum hnih neihna a ni a, 2nd NECDC Senior Men's Inter-State Friendship Tournament tih niin, Nagaland chu a vawi hnihna atan an champion. Mizoram team chu Nagaland leh Sikkim te nen group khatah awmin point 1 an hmu a ni.

Hmeichhe lam hi 1st NECDC Senior Women’s Inter-State Friendship Tournament tih niin, T20 format a khelh tur a ni. Nimin khan khelh ṭan niin, Mizoram hi Sikkim leh Nagaland te nen group B-ah an awm ho a ni.