Lungleiah state referee seminar nei

Mizoram Taekwondo Association hnuaiah, tun hnai khan SAI Extention Centre Lungleiah state referee seminar vawi 36-na neih a ni. Mi 23 ten ṭha takin an zir chhuak.

Lunglei district hian state level referee seminar an thlen vawi khatna niin, ngaihhlut pawh a hlawh hle. Lunglei bakah Hnahthial, Lawngtlai leh Siaha district aṭangin official te an tel a ni.

Referee seminar hi international referee leh tawnhriat nei ṭha master Joseph Thansanga'n zirtirna a pe a. World taekwondo competition dan leh hrai thar ber zir ho a ni a, theory leh practical exam an nei nghal bawk.

Tun lai hian MATA chuan 2nd session colour belt exam a kalpui me bawk. Lunglei leh Mamitah exam neih a ni a, Lunglei district tan SAI Extention centre-ah colour belt exam an buatsaih a, mi 16 ten exam an bei.

Mamit Bazar Hall-ah pawh Mamit district leh khawthlang lam tan taekwondo belt exam hi a buatsaih bawk a. Heng exam-na pahnihah hian mi 38-te chuan ṭha takin exam an paltlang a ni.