Khelmual 12 tichiang

Football thuneitu sang ber FIFA chuan 2025 Club World Cup khelhna tur khelmual 12 a tichiang - inelna hi kum 2025 June 15 aṭanga July 13 chhungin United States-ah khelh a ni ang.

Club World Cup-ah hian team 32 an inlan dawn. Tun hnai season li chhunga Champions League champion thei Chelsea, Manchester City leh Real Madrid te chu inlan turin an tling tawh.

Bayern Munich, Juventus, Borussia Dortmund, Atletico Madrid, Paris Saint Germain, Inter Milan, Porto, Benfica leh RB Salzburg te chu co-efficient ranking aṭangin an tling tawh bawk.

Hmun ruak dang paruk chu - South America team Boca Juniors, River Plate, Flamengo te bakah Asia, Africa leh North America team ten an inchuh dawn a, anni bakah hian Oceania leh a thlengtu US ten hmun ruak an inchuh thei bawk ang.

Final chu MetLife Stadium, New Jersey-ah khelh a ni ang.