Stones leh City inhnaih

Everton defender John Stones chuan Pep Guardiola hnuaiah a khel dawn ta nge nge niin a lang. Manchester City chuan England defender manah hian pound maktaduai 50 an phal niin sawi a awm a, Spanish manager chuan, "Mi zawng zawngin lak kan tum dawn tih an hria," tiin lakluh an tum thu hi a pha tawh bik lo.

Toffees hian kum 22-a upa Barnsley player hlui mana an beisei zat hi pound maktaduai 50 bawr vel nia ngaih a ni a, nikum nipui khan Chelsea chuan an lalut teuh hle.

Stones hi March 2012 khan Barnsley tan a vawi khat nan a inlan a, hemi hnu thla 10 lekah pound maktaduai 3-in Everton a zawm.

City boss Pep Guar-diola chuan, "Central de-fen-der hi boruakah an ṭha tur a ni a, an huaisen tur a ni bawk. Keini erawh chuan midfielder ten ball ṭha an hmuh theihna tura insiamrem thiam kan mamawh a, hei hi kan neih theih chuan midfielder-te'n striker hnenah ball ṭha tak an pe thei ang. Chutihrualin striker hnena ball rang taka a thleng thei a nih chuan min rawn vaw let vat thei tihna a ni a, chuvangin defender ṭha hi kan mamawh a ni. August 31-ah chuan kan squad duh ang thlap kan nei thei tawh ang," tiin a defender duh zawng a sawi.

Spanish manager hian tlarhnungah midfielder Javier Mascherano leh Javi Martinez te chu Bar--celona leh Bayern Munich a enkawl laiin hlawhtling tak^-in a hmang tawh a, Guardiola chuan, "Fer-nandinho hi a rang a, a chak a, a fing a, a huai bawk avangin position hrang hrang 10-ah a khel thei ang. Boruakah a ṭha a, vei leh dingah a tlan theih bakah long ball a pet thei bawk," tiin a fak a, Brazilian midfielder hi defence laia a ding a nih pawhin a mak lo ang.