Puskas Award dawngtu a chawl

Kum 2015-a goal khung mawi ber FIFA Puskas Award chawi-mawina dawngtu Wendell Lira chuan video games lama insawrbing turin inkhelh a chawlhsan!

Kum 27-a upa striker hian January khan 2015 chhunga goal khung mawi ber FIFA Puskas Award hi Lionel Messi leh Alessandro Florenzi-te khumin a dawng a, a goal khung hi Goianesia tan Brazilian Goias state championship-a Atletico Goianiense lama bicycle kick hmanga a khung a ni.

Brazilian striker chuan, "FIFA world cham--pion nih hi ka duh-thusam a ni a, inhliamin min tih buai reng bawk avangin ka lo beisei
ṭhin ti hlawhtling turin ka zinkawng ka thlak a ngai a ni," a ti.

Wendell Lira hian khelmual chhungah chauh nilo pawn inkhelh a thiam a, Brazil-a state pakhat Goias-a FIFA Soccer tournament champion lai niin November, 2015 khan Brazilian ranking bikah a chung ber a lo luah tawh.

Puskas Award a dawn khan FIFA Interactive World Cup champion lai Abdulaziz Alshehri chuan inkhelhpuiah a cho a, Saudi Arabian gamer hi 6-1 in a sawp a ni.