Mumbai FC-in AFC hnenah lehkha an thawn

I League club Mumbai FC deputy vice-president Atul Bad-gamia chuan tun hnaia All India Football Federation (AIFF)-in Indian football kalpui an tum dan chungchangah Asia khawmualpui football-a thuneitu sang ber Asian Football Confederation (AFC) hnenah lehkha a thawn thu a sawi.

Season riat chhung I League club lo ni tawh Mumbai FC hotupa chuan, "Ka lehkhathawn hi an ngaihpawimawh dawn leh dawn loh ka hre lo a, mah se I League kha League One-ah tihhniam a ni a, thawklehkhatah hmanni lawka tournament an buatsaih ISL kha inelna sang ber a ni dawn tih AFC hnena hrilh hriat hi ka tih ngei turah ka ngai a ni," a ti.

Coach thar atana Santosh Kash-yap ruai hlim Mumbai FC hotupa chuan sawi chhuznawmin, "League inzawm hi pawi tihna kan nei lo a, a pawi ber zawk chu an kalpui dan dik lo hi a ni. Tun dinhmunah chuan duhthlan tur pahnih chiah kan nei a, League One-a lungawi taka khelh emaw Mumbai City FC nena inzawm mai hi a ni," tiin an dinhmun a chian loh thu a sawi.