Kerala Blasters player thar Hughes

Indian Super League club Kerala Blasters chuan Northern Ireland international Aaron Hughes chu season khat chhung an hnena khel turin contract an ziahpui.

Kum 36-a upa defen-der hian Euro khelh zawh takah pawh khan Nor-thern Ireland tan match li an khelhah match thum a hmel a inlan a, ram tan vawi 103 lai khel tawhin tawn-hriat a ngah tawh hle.

Newcastle United, Aston Villa leh Fulham central defender pawh lo ni tawh ṭhin Hughes hi League One club Oldham Athletic pawhin an duh a, mah se India lama kal a thlang ta zawk.

April thlaa Melbourne City-in an chhuah zalen hnua club nei lo Hughes hi Manchester United tan pawha lo khel tawh
ṭhin England winger hlui Steve Coppell enkawlna hnuaiah a khel dawn a ni.

Hetihlai hian Chen-naiyin FC chuan season hman zawh taka Atletico de Kolkata tana khel winger Baljit Sahni chu season thar atan an lalut ve bawk.