Rogers Cup quarterfinal-ah Djokovic

World number 1 Novak Djokovic chuan Rogers Cup khelh mekah quarter-final lut turin Czech qualifier Radek Stepanek chu 6-2 6-4 in a hneh. Serbian tennis star hian world no. 8 Tomas Berdych chu a thiam pali zinga tel turin a hmachhawn leh ang.

Kumin Wimbledon finalist Milos Raonic chuan awlsam taka Jared Donaldson 6-2 6-3 a hnehin third round a paltlang bawk a, David Goffin laka 7-6 (7-5) 2-6 6-4 a chak Gael Monfils chu quarterfinal-a a hmachhawn tur a ni.

Hmeichhe inkhelah Venus Williams chu Madi-son Keys lakah 6-1 6-7 (2-7) 6-3-in a tlawm a, kum 36-a upa tennis star hi a tar ve ta niin a lang. British number 1 Johanna Konta chuan 6-3 6-2 in Varvara Lepchenko a hneh bawk a, 3-6 6-4 6-3 a Eugenie Bouchard hnehtu Kristina Kucova chu quarterfinal-ah a hmachhawn ang.