Paul Walker-a 'Fast and Furious' car an lilam dawn

November 2013-a car accident vanga boral ta Fast &Furious actor Paul Walker car khalh ṭhin 1993 Toyota Supra chu May thla hian lilam a ni dawn.

Toyota Supra hi Fast & Furious movie siam tawh hoah Paul Walker hian a khalh ṭhin a, Furious 7-ah pawh khan Paul Walker hian a khalh nghe nghe.

May 12 leh 17 khian thil hlui lilamna hmunpui Mecum Auctions, Indianapolis, Indiana-ah lilam a ni dawn a, a tlem berah $200,000 tal chu an hmuhchhuah beisei a ni.

Hetih lai hian hmanni lawkah Furious 7 an tichhuak a, khaw­vel pum huapa dollar tluklehdingawn chuang lalutin a hlawhtling hle. Fast & Furious buaipui­tu Universal Studios chuan kum 2017-a tihchhuah hman turin Fast & Furious 8 an buaipui ṭan leh der tawh.

Vin Diesel chuan Furious 8 buaipui a nih thu hi puangchhuak in, "Movie in en tawh zawng zawnga movie hmuhnawm leh en tlak ber kan siamsak dawn che u," tiin a sawi.